ထိုင်းစကားပြောသင်တန်း ဆက်လက်ရပ်တည်နိုင်ရေးအတွက် အလှူခံခြင်း

၂၀၂၂ခုနစ်၊ မတ်လမှ စတင်ကာ နယူးမြန်မာဖောင်ဒေးရှင်းသည် မဲဆောက်နှင့် ထိုင်းနိုင်ငံရောက် မြန့်မာ့ဒီမိုကရေစီနှင့် လူ့အခွင့်အရေး ကြိုးပမ်းလှုပ်ရှားသူများအတွက် အခမဲ့ အွန်လိုင်းထိုင်းဘာသာစကားပြောသင်တန်းများကို ဖွင့်လှစ်ပေးလျက်ရှိပါသည်။ မြန်မာပြည်သူများ မဲဆောက်နှင့် ထိုင်းနိုင်ငံတွင်းနေထိုင်စဥ် ကြုံတွေ့ရသည့်အခက်အခဲများအနက် ဘာသာစကား အခက်အခဲသည် ရှောင်လွှဲမရသော အခက်အခဲတစ်ခုဖြစ်သည်။ နေ့စဥ်လူမှုဘဝတွင် ထိုင်းဘာသာစကားကို မပြောမဖြစ်ပြော၍ ဆောင်ရွက်ရသည့် ကိစ္စရပ်များတွင်လည်းကောင်း၊ ထိုင်းနိုင်ငံအတွင်းနေထိုင်စဥ် လုံခြုံရေးကိစ္စရပ်များနှင့်ပတ်သတ်၍ ထိုင်းဘာသာစကားဖြင့် ပြောဆိုဖြေရှင်းရမည့်အခါတွင်လည်းကောင်း၊ ကျန်းမာရေးနှင့်ပတ်သတ်၍ အရေးပေါ်အခြေအနေ တစ်စုံတရာနှင့်ကြုံတွေ့ခဲ့သည်ရှိပါက ထိုင်းဘာ သာစကားဖြင့် အကူအညီတောင်းကာပြောတတ်စေရန် ရည်ရွယ်ချက်များထားရှိကာ ထိုင်းဘာသာစကား သင်တန်းများကို အွန်လိုင်းမှတဆင့် ဖွင့်လှစ်ပေးနေခြင်းဖြစ်ပါသည်။

ထိုင်းဘာသာစကားပြောသင်တန်းများသည် မဲဆောက်နှင့်ထိုင်းနိုင်ငံရောက် မြန်မာလူမျိုးများအတွက် အရေးပါသည့် အခန်းကဏ္ဌမှ ပါဝင်လျက်ရှိပါသည်။ သို့သော် ယခုအခါ ဤသင်တန်းများကို ဆက်လက်ဖွင့်လှစ်သင်ကြားပေးနိုင်ရန် ရံပုံငွေအခက်အခဲများရှိနေပါသည်။ သင်တန်းအပတ်စဥ် (၁) မှ (၃) အထိ အချိန်ပြည့်သင်တန်းဆရာမတစ်ဦးမှ သင်ကြားပေးခဲ့ခြင်းဖြစ်ပါသည်။ သင်တန်းဆရာမအား သင်တန်းအပတ်စဥ်တိုင်းအတွက် လစဥ် Honorarium ကြေးပေးအပ်ပါသည်။ ထို့အပြင် သင်တန်းများသည် အွန်လိုင်းမှတဆင့် သင်ကြားရခြင်းဖြစ်သည့်အတွက် Zoom Account Fee များကို လစဥ်ပေးဆောင်ရပါသည်။ ဤ သင်တန်းများဖြစ်မြောက်ရေးအတွက် မည်သည့် Fundraiser များထံမှ အကူအညီရခဲ့ခြင်းမရှိပါ။ ပုံမှန်တစ်လကို Thai Baht (12,000) ၊ USD (350) $ ကုန်ကျပါသည်။

သို့ပါသောကြောင့် မဲဆောက်နှင့် နိုင်ငံတကာရောက် မြန်မာပြည်သူ/သား တစ်ဦးချင်းမှ မိမိတို့တတ်စွမ်းသ၍ ပါဝင်ကူညီထောက်ပံ့ပေးကြပါရန် လေးစားစွာ မေတ္တာရပ်ခံလိုပါသည်။

နိုင်ငံတကာနှင့်မဲဆောက်ရောက် မြန်မာပြည်သူ/သားများအနေဖြင့် New Myanmar Foundation ၏ ထိုင်းဘာသာစကားပြောသင်တန်း ဆက်လက်ဖွင့်လှစ်နိုင်ရေးအတွက် နည်း/များ မဆိုပါဝင်ကူညီ ထောက်ပံ့ပေးလိုပါက –

New Myanmar Foundation ၏ ဘဏ်အကောင့်နံပါတ်__

Bank Account in Thailand

First Name: AUNG

Last Name: SANN

Account Number: 96-000-629-89, Bangkok Bank

Address: 88/7-8 INTARAKIRI ROAD, MAESOT, TAK 63110

Phone: +66555335646,

FAX: +6655533567,

Swift Code: BKKBTHBKXXX သို့တိုက်ရိုက်ငွေလွှဲ လှူဒါန်းနိုင်ပါသည်။ (သို့မဟုတ်)

မဲဆောက်မှ အလှူရှင်များအနေဖြင့် ငွေလွှဲရန်အခက်အခဲရှိပါက လှူဒါန်းငွေကို အိမ်အရောက် လာရောက်ယူပေးမည်ဖြစ်ပါသည်။ လက်ခံရရှိငွေကို ဂုဏ်ပြုမှတ်တမ်း ပြန်လည်ထုတ်ပေးသွားမည် ဖြစ်ပါသည်။

အသေးစိတ်သိရှိလိုပါက နယူးမြန်မာဖောင်ဒေးရှင်း၏ ရုံးဖုန်းနံပါတ် – (+၆၆) ၀၆၂၆၈၇၄၂၆၆ ကို ဆက်သွယ်မေးမြန်းနိုင်ပါသည်။