New Myanmar Foundation မှ Human Rights Program ကို ၂၀၂၃ ခုနှစ်မှ ၂၀၂၇ ခုနှစ်အထိ နှစ်စဉ်စီမံချက်ဖြင့် လုပ်ဆောင်သွားမည်ဖြစ်ရာ လူ့အခွင့်အရေးချိုးဖောက်မှု Data အချက်အလက်များအား စိစစ်ပြင်ဆင်ခြင်း၊ အစီရင်ခံစာပြုစုခြင်း လုပ်ငန်းအတွက် (Data Editor) လျှောက်လွှာများ ခေါ်ယူနေပါသည်။
လူ့အခွင့်အရေးအစီအစဥ် – လူ့အခွင့်အရေးချိုးဖောက်မှူဆိုင်ရာ အချက်အလက်များအား စိစစ်ပြင်ဆင်ရေးသားခြင်း (Data Editor)
လျှောက်လွှာလက်ခံမည့်ကာလ : ၁၉/၀၃/၂၀၂၄ မှ ၂၉/၀၃/၂၀၂၄ ၊ ညနေ ၅ နာရီ အထိ
နေရာ : မဲဆောက်ရုံး
အစမ်းခန့်ကာလ : ၃ လ
လစာ : ဘတ် ၈၀၀၀ – ၁၀၀၀၀
အစီရင်ခံရမည့်သူ : Human Rights Program Manager (New Myanmar Foundation)
ခန့်အပ်မည့် ဦးရေ : ၁ ဦး
လုပ်ဆောင်ရမည့်တာဝန်များ
● Data Editor မှ ပြည့်စုံကောင်းမွန်မှန်ကန်သော အချက်အလက်များပါရှိသည့် လူ့အခွင့်အရေးမှတ်တမ်း အစီရင်ခံစာ များ ထွက်ရှိရန် အစီအစဉ်ရေးဆွဲခြင်း နှင့် အဖွဲ့ဝင် Online/Ground Data Collectors များအား သတင်း အချက်အလက် ကောက်ယူ ဖြည့်သွင်းခြင်းနည်းစနစ်များ သင်ကြားပြသခြင်းနှင့် အကြံပြုခြင်း
● Online/Ground Data Collectors များမှ ကောက်ယူဖြည့်သွင်းထားသော လူ့အခွင့်အရေးချိုးဖောက်မှုဆိုင်ရာ သတင်းအချက်အလက်များကို စိစစ်ပြင်ဆင်ခြင်း၊ ယင်းသတင်းအချက်အလက်များကို ခွဲခြမ်းလေ့လာဆန်းစစ်ခြင်း၊ Data Collector များနှင့် လိုအပ်သလို ဆွေးနွေး ညှိနှိုင်းခြင်း၊ Guideline ချမှတ်ပေးခြင်း
● ကောက်ယူလာသောအချက်အလက်များအား စုစည်းပြီး ပြည့်စုံသော လူ့အခွင့်အရေးမှတ်တမ်းအစီရင်ခံစာများအား သတ်မှတ်ထားသော ရက်၌ မြန်မာ၊ အင်္ဂလိပ် (၂) ဘာသာဖြင့် ထုတ်ပြန်ခြင်း (သတ်မှတ်ထားသော အစီရင်ခံစာများမှာ သုံးလပတ် အစီရင်ခံစာ (သို့) လူ့အခွင့်အရေးပင်မအကြောင်းအရာ အလိုက်ဆန်းစစ်ချက် အစီရင်ခံစာ နှင့် နှစ်ကုန်အစီရင်ခံစာတို့ဖြစ်သည်။)
● လူအခွင့်အရေးချိူးဖောက်မှုများအား စောင့်ကြည့်မှတ်တမ်းတင်နေသော ပြည်ပအဖွဲ့အစည်းများမှ ဖော်ပြထားသော အချက်အလက် များအားလည်း လိုအပ်ပါက စုစည်း ဘာသာပြန်ပြီး လူ့အခွင့်အရေးမှတ်တမ်းအစီရင်ခံစာတွင် ထည့်သွင်းခြင်း
● ဆိုးရွားပြင်းထန်စွာကျူးလွန်ခံရသော လူ့အခွင့်အရေးချိုးဖောက်မှုများအပေါ် အချိန်နှင့်တပြေးညီ သဘောထားထုတ်ပြန်ချက် (Statement) ထုတ်ပြန်နိုင်ရေး မြန်မာ၊ အင်္ဂလိပ် (၂) ဘာသာဖြင့် ရေးသား ပြုစုခြင်း
● လူ့အခွင့်အရေးမှတ်တမ်းအဖွဲ့က လုပ်ဆောင်နေသောလုပ်ငန်းများအား Donor အဖွဲ့အစည်းများ၊ ပြည်တွင်းပြည်ပ အဖွဲ့အစည်း များနှင့်တွေ့ဆုံသော အစည်းအဝေးများတွင် လည်းကောင်း၊ မှတ်တမ်းတင်ပြုစုထားသည့် အချက် အလက်နှင့် အစီအရင်ခံစာများကို လူ့အခွင့်အရေးဆိုင်ရာ ဆွေးနွေးပွဲ/အစည်းအဝေးများတွင် လည်းကောင်း မြန်မာ၊ အင်္ဂလိပ် (၂) ဘာသာဖြင့် တင်ပြဆွေးနွေးပြောဆိုခြင်း
● လူ့အခွင့်အရေးမှတ်တမ်းအဖွဲ့၏ Activity Report အား လစဉ် သတ်မှတ်ထားသောရက်၌ Program Manager ထံတင်ပြခြင်း။
အရည်အချင်းလိုအပ်ချက်များ
● လူ့အခွင့်အရေးဆိုင်ရာ အခြေခံဗဟုသုတရှိရမည်ဖြစ်ပြီး လူ့အခွင့်အရေးမှတ်တမ်းကောက်ယူမှုလုပ်ငန်းစဉ်များ အကြောင်း ကောင်းစွာသိရှိနားလည်ရမည်။
● Computer literacy နှင့် IT အခြေခံဖြစ်သည့် Google Sheet, MS Office Suite, social media အသုံးပြုတတ်ရမည်။ Infographic report များပြုလုပ်နိုင်ရမည်။
● Database management အတွေ့အကြုံရှိသူဖြစ်ပါက ပိုမိုကောင်းမွန်သည်။
● တက္ကသိုလ်မှ အနည်းဆုံး ဘွဲ့တစ်ခုရရှိထားရမည်။
● Myanmar၊ English နှစ်ဘာသာလုံး ကျွမ်းကျွမ်းကျင်ကျင် ပြောဆိုရေးသားနိုင်ရမည်။
● Interpersonal, Networking နှင့် Communication Skills များကောင်းမွန်ရမည်။
● လူ့အခွင့်အရေးမှတ်တမ်းအဖွဲ့တွင် အနည်းဆုံး ၁ နှစ်ကြာ တာဝန်ထမ်းဆောင်နိုင်သူကို ဦးစားပေးမည်။
လျှောက်ထားလိုသူများသည် Email: [email protected] သို့ အောက်ပါအချက်အလက်များ ပြည့်စုံစွာ ပူးတွဲပေးပို့ ၂၀၂၄ ခုနှစ်၊ မတ်လ ၂၉ ရက်နေ့နောက်ဆုံးထားလျှောက်ထားနိုင်သည်။
ကိုယ်ရေးအချက်အလက်၊ ပညာအရည်အချင်း၊ အလုပ်အတွေ့အကြုံများ၊ အစိုးရမဟုတ်သောအဖွဲ့အစည်းများနှင့် လက်တွဲလုပ်ကိုင်ခဲ့ဖူးသည့် အတွေ့အကြုံများအပါအဝင် လူ့အခွင့်အရေးလုပ်ဆောင်ချက်များရှိခဲ့လျှင် နှစ်အလိုက် ပြည့်စုံစွာထည့်သွင်း ရေးသားထားသည့် ကိုယ်ရေးမှတ်တမ်း ( CV form)
ပညာအရည်အချင်းလက်မှတ်များ
ယခင်လုပ်ကိုင်ခဲ့သော အဖွဲ့အစည်းတစ်ခုခုမှ ထောက်ခံပေးမည့် မိမိအထက် တာဝန်ရှိသူ ၂ ဦး၏ အမည်၊ ဆက်သွယ်ရမည့် ဖုန်းနံပါတ်၊ email၊ signal နံပါတ်များကို CV form တွင် တပါတည်းဖော်ပြရန်။
ကနဦးရွေးချယ်ခံရသူများကို ဆက်သွယ်၍ အင်တာဗျူး (လူတွေ့/online) ခေါ်ယူမေးမြန်းမည်ဖြစ်ပါသည်။
အသေးစိတ်မေးမြန်းလိုပါက:
Program Coordinator
Phone, Signal & Telegram – +66808986684
Human Rights Program
New Myanmar Foundation
