၂၀၂၅ ခုနှစ်၊ မတ်လ ၈ ရက်နေ့တွင် New Myanmar Foundation နှင့် WLRC (Women Lead Resource Center) တို့ပူးပေါင်း၍ Stand For Her Land အသိပညာမျှဝေခြင်းနှင့် ကမ်ပိန်းအစီအစဉ်ကို ညနေ 8 နာရီမှ 9 နာရီခွဲအထိ ပြုလုပ်ခဲ့ပါသည်။ ဤအစီအစဉ်တွင် မိတ်ဖက်အဖွဲ့အစည်းများမှ စုစုပေါင်း 16 ဦးခန့် တက်ရောက်ခဲ့ကြပြီး အမျိုးသမီးများကြုံတွေ့နေရသည့် လယ်ယာမြေပိုင်ဆိုင်မှုဆိုင်ရာ အခက်အခဲများ၊ စိန်ခေါ်မှုများနှင့်ပတ်သက်၍ အသိပညာများ မျှဝေခဲ့ကြပါသည်။ ဤအစီအစဉ်သည် အမျိုးသမီးများအား ၎င်းတို့၏ လယ်ယာမြေပိုင်ဆိုင်ခွင့်နှင့် ပတ်သက်ပြီး နားလည်သဘောပေါက်စေရန် နှင့် အမျိုးသားများသာလျှင် လယ်ယာမြေ ပိုင်ဆိုင်စေသည့် အစဉ်အလာများ လျော့နည်းလာစေရန် ရည်ရွယ်ပါသည်။ တက်ရောက်သူများမှလည်း အမျိုးသမီးတစ်ယောက်အနေဖြင့် မြေယာပိုင်ဆိုင်ခွင့်မရရှိခဲ့သည့် ၎င်းတို့ ပတ်ဝန်းကျင်ရှိ ဖြစ်ရပ်များ၊ ကိုယ်ပိုင် အတွေ့အကြုံများကို လည်း မျှဝေဆွေးနွေးခဲ့ကြကာ ပရိုဖိုင်ပြောင်းခြင်းဖြင့် ကမ်ပိန်းတွင် ပါဝင်ခဲ့ကြပြီး အစီအစဉ်ကို ရပ်နားခဲ့ပါသည်။