၂၀၂၅ ခုနှစ်၊ မတ်လ ၈ ရက်နေ့တွင် New Myanmar Foundation နှင့် WLRC (Women Lead Resource Center) တို့ပူးပေါင်း၍ အပြည်ပြည်ဆိုင်ရာ အမျိုးသမီးများနေ့ (International Women Day) အထိမ်းအမှတ် အသိပညာမျှဝေခြင်းနှင့် ကမ်ပိန်းအစီအစဉ်ကို ညနေ 7 နာရီမှ 8 နာရီအထိ ပြုလုပ်ခဲ့ပါသည်။ ဤအစီအစဉ်တွင် မိတ်ဖက်အဖွဲ့အစည်းများမှ စုစုပေါင်း 18 ဦးခန့် တက်ရောက်ခဲ့ကြပြီး ပဋိပက္ခကာလအတွင်း ကဏ္ဍအသီးသီး၌ အမျိုးသမီးများကြုံတွေ့နေရသည့် အခက်အခဲများ၊ စိန်ခေါ်မှုများ၊ ကျားမ ခွဲခြားသည့် ယဉ်ကျေးမှု ဓလေ့ထုံးတမ်းများ၊ အန္တရာယ်ရှိသည့် ရိုးရာ အလေ့အထများ၊ Stigma များနှင့်ပတ်သက်၍ အသိပညာများ မျှဝေခဲ့ကြပါသည်။
ဤအစီအစဉ်သည် အမျိုးသမီးများအား လူမှုဘဝအတွင်း လိင်ပိုင်းဆိုင်ရာ၊ လူမျိုးရေး၊ ကိုးကွယ်ယုံကြည်မှု၊ ကျား/မ၊ စီးပွားရေးအဆင့်အတန်း စသည့် အကြောင်းအရာများပေါ်တွင် တန်းတူညီမျှမှု ရရှိရန်နှင့် မှားယွင်းသော ရိုးရာ အလေ့အထများ၊ Stigma များ လျော့နည်းပပျောက်စေရန် ရည်ရွယ်ပါသည်။ တက်ရောက်သူများမှလည်း အမျိုးသမီးတစ်ယောက်အနေဖြင့်လူမှုအသိုင်းအဝိုင်းနှင့် ၎င်းတို့၏ မိသားစုအတွင်း ၎င်းတို့ ကြုံတွေ့ခဲ့ရသည့် ကျားမ မညီမျှမှုများ၊ ခွဲခြား ဆက်ဆံမှုများ၊ အတွေ့အကြုံများနှင့် စိန်ခေါ်မှုများ ကိုလည်း မျှဝေဆွေးနွေးခဲ့ကြပါသည်။
ထို့‌အပြင် ကျားမ တန်းတူညီမျှမှု မရှိခြင်းကို ဖြစ်‌ပေါ်စေသည့် အဓိက အကြောင်းအရာများကို တိုင်ပင် ဆွေးနွေးခဲ့ကြပြီး လူ့အဖွဲ့အစည်းအတွင်းရှိ ကဏ္ဍအသီးသီးနှင့် ဆုံးဖြတ်ချက်ချသည့် လုပ်ငန်းစဉ်များတွင် အမျိုးသမီးများ ပါဝင်နိုင်ရေးအတွက် မည်သို့ကြိုးပမ်းဆောင်ရွက်နိုင်မည်ကို ဆွေးနွေးခဲ့ကြကာ ပရိုဖိုင်ပြောင်းခြင်းဖြင့် ကမ်ပိန်းတွင် ပါဝင်ခဲ့ကြပြီး အစီအစဉ်ကို ရပ်နားခဲ့ပါသည်။